Rusiyanın Vladivostok şəhərində orta məktəbdə yanğın baş verib.
Milli.Az xəbər verir ki, ilkin ehtimallara görə, hadisəyə şagirdlərdən birinin çantasındaki telefon səbəb olub.
Fövqəladə Hallar Nazirliyi məlumat verib ki, yanğın məktəbin birinci mərtəbəsində yerləşən paltardəyişmə otağında başlayıb. Hadisə bədən tərbiyəsi dərsi zamanı baş verib.Telefonunun partlaması nəticəsində çantadakı əşyalar alışıb.
Güclü tüstü nəticəsində dərs prosesi dərhal dayandırılıb və məktəbin təxliyəsinə qərar verilib.
Xoşbəxtlikdən ölən və yaralanan olmayıb.
Milli.Az