.jpg)
Argentina əsilli model və televiziya ulduzu Vanda Nara yenidən şəxsi həyatı ilə gündəmə gəlib.
Milli.Az Türkiyə mətbuatına istinadən xəbər verir ki, 2025-ci ilin mart ayında Mauro İkardi ilə yollarını ayıran Vanda Nara reper L-Gante ilə yaşadığı qısa müddətli münasibətdən sonra etdiyi son paylaşım ilə diqqətləri üzərinə çəkib və suallar doğurub.
Mauro İkardi ilə ayrılıq
"Qalatasaray"ın ulduz futbolçusu Mauro İkardi ilə Vanda Naranın nikahı 2025-ci ilin mart ayında qalmaqallı şəkildə başa çatmışdı. Ayrılıqdan sonra İkardi aktrisa China Suareslə yeni münasibətə başlayaraq İstanbulda həyat qurmuş, Nara isə qısa müddət ərzində argentinalı reper L-Gante ilə birlikdə olmuşdu.
Yeni eşq iddiası
Lakin argentinalı ulduzun adı indi başqa biri ilə hallanır. Ölkə mediası Vanda Naranın iş adamı Martin Migueles ilə birlikdə görüntüləndiyini yazıb. Cütlük uşaqları ilə birlikdə River Plate - Palmeiras matçını tribunadan izləyərkən kameralara tuş gəlib.
Birlikdə səyahət və sosial media mesajı
Nara və Miguelesin yalnız matçda deyil, eyni zamanda Uruqvaya da birgə səyahət etməsi münasibətlərinin ciddiliyinə dair iddiaları gücləndirib. Üstəlik, Vanda Nara sosial şəbəkədə paylaşdığı güllərin üzərinə "M" baş hərfini əlavə edərək eşq işarəsi kimi qəbul edilən jest edib.
3 aydır birlikdilər?
Məlumata görə, Vanda Nara və Martin Migueles artıq təxminən üç aydır münasibət yaşayırlar. Bu isə argentinalı ulduzun şəxsi həyatında yeni səhifə açdığına dair iddiaları daha da alovlandırıb.
Hüseyn
Milli.Az