"MH-60 Black Hawk" helikopterinin Vaşinqton ştatında qəzaya uğraması nəticəsində ABŞ ordusunun 4 əsgəri həlak olub.
Milli.Az xarici mediaya istinadla xəbər verir ki, qəza çərşənbə axşamı saat 21:00 radələrində Lewis-McChord Birgə Bazasının yaxınlığındakı kənd ərazisində baş verib.
Bildirilib ki, qəza adi təlim missiyası zamanı baş verib.
Ordudan verilən məlumata görə, həlak olduğu güman edilən hərbçilər 160-cı Xüsusi Əməliyyat Aviasiya Alayına (Hava-Desant) təyin olunmuşdular.
Qəzanın səbəbi araşdırılır. Hərbçilərin adları hələlik açıqlanmır.
Milli.Az