Düzgün nəfəs alma təkbaşına piyləri əridə bilməsə də, orqanizmdə arıqlama prosesini sürətləndirən mexanizmləri işə salır.
Milli.Az xəbər verir ki, bunu idmançı Kseniya Qufranova deyib.
Onun sözlərinə görə nəfəs texnikası üzərində işləmək diafraqmanın daha səmərəli işinə şərait yaradır. Bu isə bağırsaq hərəkətlərini qan dövranını və bədənin düzgün duruşunu yaxşılaşdırır.
Nəfəs praktikalari stres səviyyəsini azaldır. Stres azalanda orqanizmdə kortizol səviyyəsi də aşağı düşür və bu zaman insanın tez tez nəsə yemək istəyi zəifləyir. Yuxu da normallaşır. Bədən kifayət qədər dincələndə əlavə enerji üçün qidaya yönəlmə ehtiyacı azalır.
Mütəxəssis bildirir ki, arıqlamaq üçün kalori çatışmazlığı əsas şərtdir. Yəni bədən aldığı enerjidən çoxunu xərcləməlidir. Nəfəs praktikalari bunu əvəz etmir. Buna baxmayaraq nəfəsin düzgün idarə olunması məşqlərin keyfiyyətini və ümumi vəziyyəti xeyli yaxşılaşdırır.
Qufranova diafraqmanın onurğa sütununa və qabırğalara bağlı iki qübbə formasında olan əzələ olduğunu xatırladıb. Nəfəs aldıqda bu əzələ aşağı enir və həm ağciyərləri hava ilə doldurmağa kömək edir həm də daxili orqanlara yumşaq təsir göstərir. Duruş pozulduqda qabırğalar irəli yönəldikdə və çanaq əzələləri zəiflədikdə diafraqmanın işi çətinləşir və qan dövranı pisləşir. Buna görə də hər nəfəs məşqinin başlanğıcı düzgün bədən mövqeyi olmalıdır. Bel düz dayanmalıdır sinə açıq qalmalıdır və nəfəs sərbəst axmalıdır.
Mütəxəssis düzgün və səhv nəfəs alma arasındakı fərqi də izah edib. Səthi nəfəs aldıqda çiyinlər yuxarı qalxır və boyun əzələləri gərginləşir. Bu hal ağrı yarada bilər. Düzgün nəfəs zamanı qarın həm irəli həm yana açılır. Aşağı qabırğalar genişlənir və sinə boşluğu daha rahat hərəkət edir. Bu proses gövdə əzələlərini aktivləşdirir və onurğanın hərəkətliliyini artırır.
Qufranova diafraqma gərgin olduqda qan dövranının pozula biləcəyini və bel nahiyəsində narahatlıq yarana biləcəyini bildirib. Buna görə qabırğaların hərəkətliliyini qaytarmaq vacib sayılır. Bu məqsədlə onurğanın sərtliyini azaltmaq və duruşu yaxşılaşdırmaq tövsiyə olunur. Hər məşq zamanı məşqçi nəfəsin ardıcıllığına xüsusi diqqət yetirməlidir.
Mütəxəssis ideal bədən quruluşu üçün üç sadə nəfəs texnikasını tövsiyə edib. İlk texnika qarınla nəfəs almadır. Bunun üçün insan uzanmalı və qarın altına yumşaq top və ya bərk bükülmüş dəsmal qoymalıdır. Nəfəs aldıqda qarın yüngül şəkildə bu dayağı itələyir. Nəfəs verildikdə isə bədən rahatlayır. Bu üsul dərin qarın əzələlərindəki gərginliyi azaldır və diafraqma ilə çanaq əzələləri arasında əlaqəni gücləndirir.
İkinci texnika sinə ilə nəfəs almaqdan ibarətdir. Bunun üçün qarnın üstündə uzanmaq və sinə sümüyünün altına top qoymaq kifayətdir. Nəfəs aldıqda hava aşağı yönəlir və topa doğru təkan yaranır. Nəfəs verildikdə sinə yenidən boşalır. Bu üsul sinə qəfəsinin hərəkətini artırır və boyundakı gərginliyi azaldır.
Üçüncü texnika arxa qabırğalara nəfəs alma üsuludur. Bunun üçün insan dördayaq vəziyyətinə keçməli və aşağı qabırğaları lentlə qucaqlamalıdır. Nəfəs aldıqda lent arxaya və yana doğru açılmalıdır. Nəfəs verildikdə isə qabırğalar daralır. Bu üsul sinə hissəsinin elastikliyini və nəfəsin hiss edilməsini yaxşılaşdırır.
Qufranova qeyd edib ki, bu texnikalar hər gün on dəqiqədən artıq vaxt tələb etmir. Davamlı tətbiq olunduqda bədəni daha yaxşı hiss etməyə kömək edir. Duruş düzəlir stres azalır və yuxu normallaşır. Bu isə incə bədən quruluşunun enerji dolu gündəlik həyatın və özünə inamın əsasını təşkil edir.
İsmayıl
Milli.Az