Qalatasarayın hücumçusu Mauro İkardi, "Fənərbağça"ya transfer olunan keçmiş komanda yoldaşı Kerem Aktürkoğlu ilə bağlı sosial şəbəkədə etdiyi paylaşım ilə gündəmə gəlib. Ulduz futbolçu paylaşımında rəqib klubun ulduz sayına eyham vuraraq: "Hələ 4 ulduz qazana bilməyiblər, amma 5 ulduzla öyünürlər" sözlərini yazıb.
"Fənərbağça" rəsmi açıqlama ilə Kerem Aktürkoğlunun "Benfika"dan 4 illik müqavilə ilə transfer edildiyini elan edib. Klubdan verilən açıqlamada:
"Klubumuz, milli futbolçu Kerem Aktürkoğlunun daimi transferi üçün Portuqaliyanın 'Benfika' klubu ilə razılığa gəlib. 26 yaşlı cinah oyunçusu, 4 illik müqavilə ilə sarı-lacivərd rənglərə bağlandı" - deyə bildirilib.
Transferin açıqlanmasından qısa müddət sonra Mauro İkardinin sosial şəbəkədəki paylaşımı azarkeşlər arasında böyük müzakirələrə səbəb olub.
Lalə Qüdrətova
Milli.Az