Salyanda hərəkətdə olan minik avtomobili idarəetmədən çıxaraq yol kənarındakı kanala aşıb.
Milli.Az xəbər verir ki, hadisə rayonun Dayıkənd kəndi ərazisində qeydə alınıb.
Qəza nəticəsində rayonun Arbatan kənd sakinləri - 1991-ci il təvəllüdlü Rüstəmov Həsən Rafət oğlu, 1976-cı il təvəllüdlü Məhərrəmov Taleh Əkbər oğlu; Salyan şəhər sakinləri - 2006-cı il təvəllüdlü Yaqubova Lalə Fikrət qızı, 2023-cü il təvəllüdlü Əhmədov Miryusif Mirəli oğlu, 1958-ci il təvəllüdlü Yaqubova Bəsirə Sabir qızı və Yaqubova Xalidə Sabir qızı müxtəlif dərəcəli bədən xəsarətləri alıblar.
Onlar Salyan Rayon Mərkəzi Xəstəxanasına çatdırılıblar. Yaralılardan Xalidə Yaqubovanın həkiməqədər ölüm faktı qeydə alınıb.
Faktla bağlı araşdırma aparılır.
Ucarda da yol-nəqliyyat hadisəsi baş verib, ölənlər və xəsarət alan var.
Hadisə Bakı-Qazax magistralının rayonun Müsüslü kəndindən keçən hissəsində qeydə alınıb.
Minik avtomobilinin idarəetmədən çıxaraq aşması nəticəsində 2 nəfər ölüb, 1 nəfər isə xəsarət alıb.
Faktla bağlı araşdırma aparılır.
Milli.Az