Fenerbahçe ilə yollarını ayıran portuqaliyalı məşqçi Jose Mourinyo ölkəsinə - Portuqaliyaya qayıdıb və ayrılıqdan sonra ilk dəfə açıqlama verib.
Hava limanında jurnalistlərin suallarını cavablandıran Mourinyo, əvvəlcə şəxsi planları barədə danışaraq:
"Evə gedib Sporting-Porto oyununa baxacağam və ailəmlə birlikdə axşam yeməyi yeyəcəyəm. Mənim oyunöncəsi mətbuat konfransımı görmüsünüz?" - deyə bildirib.
Portuqaliyalı jurnalistin "Belə bir qərarı gözləyirdinizmi? Yaxud transferlə bağlı açıqlamalarınız bu qərara təsir etdimi?" sualına isə məşqçi qısa cavab verib:
"Bunun haqqında danışmaq istəmirəm. Mən belə adamam; bitdisə, bitdi."
Xatırladaq ki, Super Liqanın nəhəng klublarından olan Fenerbahçe, bir neçə gün əvvəl Jose Mourinyo ilə yollarını rəsmən ayırmışdı.
Lalə Qüdrətova
Milli.Az