Bəzən elə insanlara rast gəlirik ki, sanki "uğurlu ulduz" altında doğulublar, həyatları möcüzələrlə və uğurlarla doludur.
Bəs bunun sirri nədədir?
Cavab bürclərdə gizli ola bilər, çünki hər bir bürcün idarəedici planeti onun güclü tərəflərini müəyyən edir və bəzən də taleyin üzünə gülməsinə səbəb olur.
Milli.Az xəbər verir ki, "Collective World" platformasının yazdığına görə, bəzi bürclər demək olar ki, hər sahədə və hər yerdə şanslı sayılırlar.
Buğa
Buğa bürcünü Sevgi, gözəllik, pul və incəsənət planeti olan Venera idarə edir. Bu təsir Buğaları cazibədar, estetik duyumu güclü, zövqlü insanlar edir. Onlar insanlarla tez dil tapır və rahatlıqları üçün açıq danışmaqdan çəkinmirlər. Ən əsası isə - sevdikləri işlərdə xüsusilə uğurlu olurlar.
Tərəzi
Tərəzi bürcü də Buğa kimi Venera tərəfindən idarə olunur. Bu, onlara romantiklik, incəlik və ətraflarında harmoniya yaratmaq bacarığı verir. Gözəlliyə və estetikaya yüksək dəyər verirlər, maddi imkanlar yaratmaqda bacarıqlıdırlar və həyatdan zövq alırlar. Münasibətlərdə isə səmimiyyətləri və isti emosiyaları ilə insanları özlərinə cəlb edirlər. Yeni tanışlıqlarda və tərəfdaşlıqda həmişə şansları gətirir.
Şir
Şirləri Günəş idarə edir - həyat enerjisinin və özünü ifadənin simvolu. Bu, onlara özünəinam, parlaq xarizma və diqqət mərkəzində olma istedadı verir. Şirlər sənətə meyilli, öz bədənində və ruhunda rahat hiss edən şəxslərdir. Bəzi bürclərdə çatışmayan bu özünə güvən, Şirləri həyatda bütün sahələrdə şanslı edir.
Oxatan
Oxatan bürcünün idarəedicisi Yupiterdir - uğur, inkişaf və optimizm planeti. Bu planetin enerjisi Oxatanları maraqlı, yeniliklərə açıq və cəsarətli edir. Onlar qarşılarına çıxan imkanları qaçırmır və arzularına həm zəhmət, həm də şans sayəsində çatmağı bacarırlar.
Balıqlar
Balıqların əsas idarəedici planeti Neptun olsa da, Yupiterdən də güclü dəstək alırlar. Bu kombinasiyaya görə Balıqların intuisiya qabiliyyəti yüksək, yaradıcı düşüncələri güclüdür və uğurlu şəraitləri özlərinə cəlb edə bilirlər. Əgər instinktlərinə güvənib qətiyyətlə hərəkət etsələr, ən cəsarətli arzularını belə gerçəkləşdirə bilərlər.
Kənan
Milli.Az