Yay fəslinin ortasında duyğular da istiləşir. İyul ayı romantik münasibətlər baxımından bir çox insan üçün dönüş nöqtəsi ola bilər. Ulduzlar bu ay bəzi bürclərə sevgi həyatında xüsusi üstünlüklər vəd edir. Kimi ilk baxışdan aşiq olacaq, kimi isə uzun müddətdir gözlədiyi münasibətə bir addım daha yaxınlaşacaq.
Milli.Az xəbər verir ki, astroloqlar hesab edir ki, xüsusilə dörd bürc üçün iyul ayı sevgidə tam bir yüksəliş dövrü olacaq.
Şir
İyulun ortasından etibarən Günəşin öz bürcünə keçməsi ilə Şirlər özlərini daha enerjili, cazibədar və güvənli hiss edəcəklər. Ətraflarındakı insanlar onlara daha çox diqqət göstərəcək, bu da yeni münasibətlərin yaranmasına səbəb ola bilər. Aşiq olmaq ehtimalı yüksəkdir!
Tərəzi
Sevgi planeti Venera bu ay Tərəzilərin romantik sahəsini işıqlandırır. İstər tək, istər münasibətdə olsunlar - Tərəzilər üçün ünsiyyət, harmoniya və cazibə zirvədə olacaq. Yeni biri ilə tanış olmaq və ya mövcud münasibəti dərinləşdirmək üçün mükəmməl zamandır.
Əqrəb
İyulda Əqrəblərin daxili magnetizmi güclənəcək. Duyğusal bağlılıq və ehtiraslı münasibətlər gündəmdə olacaq. Uzun müddətdir arzuladıqları biri ilə emosional yaxınlıq mümkündür. Qorxmadan hisslərini ifadə etsələr, sevgi qapıları açılacaq.
Balıq
Balıqlar bu ay duyğularını daha açıq ifadə etməyə başlayacaq. Qəlblərinə yaxın olan biri ilə daha dərin bağlar quracaqlar. Həssaslıqları və anlayışlı yanaşmaları sayəsində ətraflarındakı insanları təsirləndirə biləcəklər.
Milli.Az