Yaponiyada 2022-ci ildən bəri ilk dəfə olaraq ölüm hökmü icra edilib.
Milli.Az xəbər verir ki, bu barədə ölkənin ictimai televiziya kanalları məlumat yayıb.
Bu, həm də Baş nazir Şiqeru İşiba hökumətində ədliyyə naziri tərəfindən edam fərmanının imzalandığı ilk ölüm hökmüdür.
Edam edilən şəxs yerli sakindir, o, 2021-ci ildə ən ağır cəza olan ölüm hökmünə məhkum olunmuşdu. Məhkəmə qərarı onun doqquz nəfəri qətlə yetirməsi səbəbilə çıxarılıb.
Takahiro Siraisi sosial şəbəkələr vasitəsilə intiharameyilli yeniyetmələri və gəncləri aldadaraq evinə cəlb edir, daha sonra isə onları amansızlıqla qətlə yetirirdi.
Qeyd edək ki, Yaponiyada ölüm cəzası dar ağacından asılmaqla həyata keçirilir.
Fidan
Milli.Az