Atom Enerjisi üzrə Beynəlxalq Agentliyin (AEBA) Rəhbərlər Şurası sabah İran ətrafında yaranmış vəziyyətlə bağlı təcili iclas keçirəcək.
Milli.Az xəbər verir ki, bu barədə qurumun baş direktoru Rafael Qrossi açıqlama verib.
İclasın çağırılmasına səbəb kimi ABŞ tərəfindən İranın Fordo, Natanz və İsfahan şəhərlərində yerləşən nüvə obyektlərinə endirilmiş zərbələr göstərilir.
Qeyd edək ki, Tehranın təşəbbüsü ilə çağırılan bu fövqəladə toplantıda AEBA-ya üzv dövlətlərin nümayəndələrinin iştirak edəcəyi gözlənilir. İran tərəfi hadisəni beynəlxalq hüququn pozuntusu kimi qiymətləndirərək məsələ ilə bağlı beynəlxalq səviyyədə təcili reaksiya tələb etmişdi.
Kənan
Milli.Az