Havaların kəskin isti keçməsi günvurma hallarını artırır. Xüsusilə yaşlılar, uşaqlar və açıq havada çalışan insanlar risk qrupuna daxildir.
Milli.Az xəbər verir ki, həkimlər xəbərdarlıq edir ki, günəşin ən aktiv olduğu saatlarda əsasən günorta 12:00-dan 16:00-a qədər - birbaşa günəş altında qalmaq ciddi sağlamlıq fəsadlarına səbəb ola bilər.
Günvurma əlamətləri:
Baş ağrısı və başgicəllənmə
Ürəkbulanma və halsızlıq
Bədənin temperaturunun yüksəlməsi
Dəri qızarması və tərləmənin dayanması
Həkim-terapevtlər bildirirlər ki, bu simptomlar müşahidə olunarsa, dərhal kölgəli və sərin yerə keçmək, bol su qəbul etmək və ehtiyac olduqda tibbi yardım çağırmaq lazımdır.
Günvurmadan qorunmaq üçün nə etməli?
Günəş altında uzun müddət qalmayın
Açıq rəngli, başı örtən geyimlərdən istifadə edin
Bol maye qəbul edin - xüsusilə su və elektrolit balansı saxlayan içkilər
Açıq hava fəaliyyətlərini səhər və axşam saatlarına planlaşdırın
Mütəxəssislər vurğulayır ki, yay mövsümündə sadə ehtiyat tədbirləri ilə həm günvurma riskindən, həm də istiliklə bağlı digər sağlamlıq problemlərindən qorunmaq mümkündür.
Asya
Milli.Az