Ukrayna Prezidenti Volodimir Zelenski iyun ayında Kanadada keçiriləcək G7 sammiti çərçivəsində ABŞ-nin prezidenti Donald Trampla görüşməyi planlaşdırır.
Milli.Az xəbər verir ki, bu barədə Zelenskinin ofis rəhbəri Andrey Yermak açıqlama verib.
Yermakın sözlərinə görə son zamanlar ABŞ-yə edilən səfərlər zamanı Tramp tərəfi ilə əlaqələr qurulub və G7 sammiti çərçivəsində görüş imkanları müzakirə olunub. O bildirib ki, bu məsələ üzərində iş aparılır və hər iki tərəf belə bir görüşün mümkünlüyünü nəzərdən keçirir.
G7 sammiti 15-17 iyun tarixlərində Kanadanın Alberta əyalətində yerləşən Kananaskis şəhərində keçiriləcək.
Milli.Az