"Qalatasaray" klubu "Krasnodar"ın futbolçusu Eduard Spertsyanı transfer etmək istəyir.
Milli.Az xəbər verir ki, "sarı-qırmızılar" komandadan ayrılan Dris Mertensin boşluğunu erməni pleymeyker ilə doldurmağı planlaşdırır. Oyunçu tərəfi razı salınarsa, bu keçid baş tutacaq.
Bu barədə "Qalatasaray"a yaxın jurnalistlərdən olan Arda Özkurt məlumat yayıb.
Spertsyan 2018-ci ildən "Krasnodar"ın əsas komandasında çıxış edir. O, başa çatan mövsümdə komandası ilə Rusiya çempionu olub.
24 yaşlı futbolçu Ermənistan yığmasında isə 32 oyuna çıxıb və 6 qol vurub.
Transfermarkt portalına görə onun dəyəri 20 milyon avrodur. (Offsideplus.az)
Milli.Az