İngiltərənin "Mançester Yunayted" klubunun futbolçusu Brunu Fernandeş karyerasını Səudiyyə Ərəbistanında davam etdirə bilər.
Milli.Az xəbər verir ki, portuqaliyalı yarımmüdafiəçi "Əl-Hilal"ın transfer siyahısındadır.
Səudiyyəlilər "qırmızı şeytanlar"a Fernandeş üçün 120 milyon avroluq təklif hazırlayıb.
"Əl-Hilal" 31 yaşlı futbolçuya isə illik 77 milyon avro məvaciblə 3 illik müqavilə təklif edəcək.
Qeyd edək ki, Brunu Fernandeşin "Mançester Yunayted"lə sözləşməsi 2027-ci ilin yayına qədərdir. O, cari mövsüm ərzində meydana çıxdığı 56 oyunda 19 qol və 18 məhsuldar ötürmə müəllifi olub. /Teleqraf
Milli.Az