Ancelina Coli 14 ildən sonra Kann Film Festivalına qayıdıb. O, 78-ci festival çərçivəsində perspektivli gənc aktyorlara təqdim olunan Chopard Trophy mükafatını təqdim edib.
Milli.Az bu barədə xarici mətbuata istinadən xəbər verir.
Coli tədbirə Tom Fordun 2025-ci il yaz-yay kolleksiyasından olan zərif, ağ, birqollu və yırtmaçlı libasda qatılıb. Geyimini ağ qayışlı pompadılar, parıldayan göz makiyajı, uzun brilyant sırğalar və dəbli saat tamamlayıb.
Aktrisa həmçinin "Eddinqton" filminin premyerasına qatılaraq Brunello Cucinelli brendindən bir libasda qırmızı xalçada görünüb.
Bu, Colinin 2011-ci ildən - "Həyat ağacı" filminin premyerası və Bred Pittlə evli olduğu dövrdən - bəri Kann festivalına ilk gəlişidir.
Kənan
Milli.Az