Astrologiyada bəzi bürclər emosional sabitlikləri ilə seçilsə də, elələri də var ki, əsəbi və qəzəbli təbiətləri ilə diqqət mərkəzinə düşür.
Milli.Az xəbər verir ki, astroloq Okan Kabuk ən qəzəbli iki bürc barədə açıqlama verib.
Bu bürc nümayəndələri stresli vəziyyətlərə qarşı yüksək reaksiya göstərir və ən kiçik narahatlıq belə onların emosional partlayışına səbəb ola bilər. Onlarla ünsiyyətdə ehtiyatlı olmaq məsləhət görülür.
Qoç bürcü - Od elementinə məxsus olan qoçlar enerjili, cəsur və tez qərar verən insanlardır. Lakin onların səbirsiz və impulsiv davranışları tez-tez emosional partlayışlara yol aça bilər. Qoçlarla mübahisəyə girmək riskli ola bilər, çünki nə zaman alovlanacaqları bəlli deyil.
Əqrəb bürcü - Ədalətsizliyə və xəyanətə qarşı sıfır tolerantlıq göstərən əqrəblər emosiyalarını dərindən yaşayan və əsəbləşəndə idarəsi çətin olan insanlardır. Onların sərt reaksiyaları və kin saxlamaları ilə tanınmaları da bu xüsusiyyətlərini gücləndirir.
Bu iki bürc nümayəndəsi ilə münasibətlərdə ehtiyatlı olmaq və emosional balansı qorumaq vacibdir. Astroloqlar bu bürcləri tanımaqla münasibətləri daha sağlam şəkildə idarə etməyin mümkün olduğunu bildirirlər.
Fidan
Milli.Az