"Ayntraxt Frankfurt" 22 yaşlı hücumçunun transfer qiymətini qaldırıb.
Milli.Az xarici mətbuata istinadən xəbər verir ki, klub Uqo Ekitikenə 100 milyon avro qiymət qoyub.
Sözügedən məlumatı jurnalisti Florian Plettenberq verib. Mənbəyə görə, alman klubu yayda fransalı futbolçu ilə vidalaşmağa hazırlaşır.
Gənc oyunçu "Mançester Yunayted" və "Arsenal" kimi klubların maraq dairəsinə düşüb.
Qeyd edək ki, Uqo bu mövsüm bütün turnirlər daxil olmaqla, keçirdiyi 43 oyunda 21 qol və 9 məhsuldar ötürmə aktivinə yazdırıb. Onun komandası ilə müqaviləsi 2029-cu ilin yayına kimi nəzərdə tutulub.
Tural
Milli.Az