22:26
Aprelin 16-sı saat 20:00-a olan faktiki hava açıqlanıb.
Milli Hidrometeorologiya Xidmətindən Milli.Az-a verilən məlumatda bildirilir ki, aprelin 16-sı saat 20:00-a olan məlumata əsasən ölkə ərazisində yağıntılı və küləkli hava şəraiti davam edir.
Belə ki, düşən yağıntının miqdarı Bakıda və Abşeron yarımadasında 60 mm (aylıq normanın 260%-i), Qusarda 144 mm (aylıq normanın 301%-i), Altıağacda 112 mm (aylıq normanın 154%-i), Xaltanda 90 mm (aylıq normanın 133%-i), Qubada 75 mm (aylıq normanın 157%-i), Xaçmazda 72 mm (aylıq normanın 238%-i), Şabranda 55 mm (aylıq normanın 188%-i), Mingəçevirdə 54 mm (aylıq normanın 158%-i), Oğuzda 49 mm (aylıq normanın 50%-i), İsmayıllıda 45 mm (aylıq normanın 44%-i), Sabirabadda 44 mm (aylıq normanın 148%-i), Qəbələdə 39 mm (aylıq normanın 38%-i), Göyçayda 34 mm (aylıq normanın 69%-i), Ağstafada 30 mm (aylıq normanın 79%-i), Qobustanda 29 mm (aylıq normanın 58%-i), Şəkidə 28 mm (aylıq normanın 31%-i), Neftçalada 24 mm (aylıq normanın 73%-i), Gəncədə 23 mm (aylıq normanın 74%-i), Şamaxıda 21 mm (aylıq normanın 31%-i), İmişlidə 21 mm (aylıq normanın 70%-i), Şəmkirdə 21 mm (aylıq normanın 59%-i), Şabranda 20 mm (aylıq normanın 68%-i), Biləsuvarda 19 mm (aylıq normanın 55%-i), Tovuzda 18 mm (aylıq normanın 58%-i), Yevlaxda 15 mm (aylıq normanın 45%-i), Göygöldə 15 mm (aylıq normanın 24%-i), Zərdabda 14 mm (aylıq normanın 45%-i), Qaxda (Sarıbaş) 14 mm (aylıq normanın 11%-i), Beyləqanda 13 mm (aylıq normanın 42%-i), Salyanda 12 mm (aylıq normanın 36%-i), Kürdəmirdə 12 mm (aylıq normanın 35%-i), Hacıqabulda 10 mm (aylıq normanın 33%-i), Gədəbəydə 8 mm, Astara, Lənkəranda 7 mm, Zaqatalada 6 mm, Yardımlıda 5 mm, Lerik, Balakəndə 3 mm, Kəlbəcər, Laçın, Xocalı, Füzuli, Ceyrançöldə 2 mm-dək olub.
Dağlıq ərazilərdə - Daşkəsən, Xınalıq, Qrızda qar yağır. Qar örtüyünün hündürlüyü Xınalıqda 78 sm-dir.
Şimal-qərb küləyi əsir. Küləyin maksimal sürəti Bakıda və Abşeron yarımadasında 25 m/s, Altıağacda 28 m/s, Qobustanda 16 m/s-dək güclənib.
Çaylarda müşahidə olunan faktiki hidroloji vəziyyət
Müşahidə olunan leysan xarakterli intensiv və güclü yağıntılar nəticəsində Zəyəmçay, Əsrikçay, Ağçay, Şabrançay, Dəvəçiçay, Qaraçay, Qusarçay, Vəlvələçay, Gilgilçay, Pirsaatçay, Ataçay, Ağsuçay, Cağacuqçay, Qabırrıçay, Dəmiraparançay, Qudiyalçay, Girdimançay və Göyçaydan sel keçib.
Avtomat hidroloji stansiyaların aprelin 16-sı saat 20:00-a olan məlumatına əsasən ötən sutka ilə müqayisədə əksər çaylarda sululuq artıb. Ən çox artım Böyük Qafqaz ərazisindən axan çaylarda qeydə alınıb. Belə ki, Böyük Qafqaz ərazisindən axan Qarasuçayda 57 sm, Əyriçayda 40 sm, Qudiyalçayda 30 sm, Kiçik Qafqaz ərazisindən axan Əsrikçayda 28 sm, Qarabağ və Şərqi Zəngəzur bölgəsindən axan Quruçayda 36 sm, Köndələnçayda 19 sm, Lənkəran-Astara bölgəsindən axan Lənkərançayda 12 sm artım qeydə alınıb.
-------------
10:12
Saat 10:00-a olan məlumata əsasən ölkə ərazisində kəskin hava şəraiti müşahidə olunur, gecə saatlarından başlayan güclü yağış, şimşək hazırda davam edir.
Milli.Az xəbər verir ki, bu barədə Milli Hidrometeorologiya Xidməti məlumat yayıb.
Düşən yağıntının miqdarı Bakıda və Abşeron yarımadasında 31 mm (aylıq normanın 134%-i), Qobustanda 47 mm (aylıq normanın 94%-i), Şabranda 34 mm (aylıq normanın 116%-i), Mingəçevirdə 35 mm (aylıq normanın 102%-i), Yevlaxda 30 mm (aylıq normanın 90%-i), Xaçmazda 29 mm (aylıq normanın 96%-i), Kürdəmirdə 28 (aylıq normanın 81%-i), İsmayıllıda 27 mm (aylıq normanın 26%-i), Qubada 25 mm (aylıq normanın 52%-i), Qusarda 24 mm (aylıq normanın 50%-i), Sabirabadda 24 mm (aylıq normanın 81%-i), Qəbələdə 23 mm (aylıq normanın 22%-i), Ağsuda 21 mm (aylıq normanın 31%-i), Zərdabda 21 mm (aylıq normanın 68%-i), Goranboyda 20 mm (aylıq normanın 64%-i), Göygöldə 17 mm (aylıq normanın 20%-i), Göyçayda 17 mm (aylıq normanın 34%-i), Oğuzda 16 mm (aylıq normanın 16%-i), Gəncədə 16 mm (aylıq normanın 51%-i), Naftalanda 16 mm (aylıq normanın 42%-i), Şəmkirdə 16 mm (aylıq normanın 45%-i), Şamaxıda 15 mm (aylıq normanın 22%-i), Bərdədə 15 mm (aylıq normanın 44%-i), Tərtərdə 15 mm (aylıq normanın 44%-i), Ağstafada 14 mm (aylıq normanın 37%-i), Ağdamda 14 mm (aylıq normanın 29%-i), İmişlidə 14 mm (aylıq normanın 47%-i), Tovuzda 13 mm (aylıq normanın 34%-i), Şəkidə 13 mm (aylıq normanın 14%-i), Biləsuvarda 11 mm (aylıq normanın 32%-i), Neftçalada 10 mm (aylıq normanın 30%-i), Zaqatala, Lənkəran, Balakən, Sədərək, Lerik, Şərur, Şahbuz, Naxçıvan, Ceyrançöl, Astara, Xocalı, Yardımlı, Füzuli və Ordubadda 1-8 mm-dir.
Yağan intensiv leysan xarakterli yağışlar nəticəsində aprelin 16-sı səhər saatlarından başlayaraq Şabran rayonu ərazisindən keçən Gilgilçaydan və Quba rayonu ərazisindən keçən Qudyalçaydan sel keçir.
Dağlıq ərazilərdə qar yağıb, yağan qarın hündürlüyü Xınalıqda 37 sm, Qrızda 30 sm, Qusarda 17 sm, Altıağac, Xaltan, Gədəbəy, Kəlbəcər, Laçın, Şuşa, Daşkəsəndə 1-5 sm olub.
Güclü şimal-qərb küləyi əsir, küləyin maksimal sürəti Bakıda və Abşeron yarımadasında 34 m/s, Altıağacda 19 m/s, Şamaxı, Naftalanda 18 m/s, Qubada 16 m/s-yə çatıb. Neft Daşları stansiyasının məlumatına əsasən dənizdə dalğanın hündürlüyü 3 metrdir.
Havanın minimal temperaturu Bakıda və Abşeron yarımadasında 8, Naxçıvan MR-da 3, Aran rayonlarında 10 dərəcəyədək isti, dağlıq rayonlarda isə 3 dərəcəyədək şaxta qeydə alınıb.
Milli.Az