Papua-Yeni Qvineya sahillərində 7,2 bal gücündə zəlzələ qeydə alınıb.
Milli.Az xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.
Zəlzələ 18 mindən çox əhalisi olan Kimbe şəhərindən 182 km cənub-şərqdə qeydə alınıb. Zəlzələnin episentri 49 km dərinlikdə yerləşib.
Yeraltı təkanlar nəticəsində dağıntı və tələfat haqqında məlumat yoxdur.
ABŞ Meteorologiya Xidməti zəlzələ ilə əlaqədar sunami təhlükəsi barədə xəbərdarlıq edib.
Milli.Az