Türkiyə Kubokunun 1/4 finalında baş tutan "Fənərbağça" - "Qalatasaray" derbisindən sonra 43 azarkeş polis tərəfindən həbs olunub.
Milli.Az xəbər verir ki, saxlanılmaların səbəbi azarkeşlərin matç zamanı tez alışa bilən maddələrdən istifadə etməsi olub. Bundan başqa bir neçə azarkeş qadağan olunmuş ərazilərə daxil olduqları üçün də saxlanılıblar.
Qeyd edək ki, "Fənərbağça" və "Qalatasaray" arasında keçirilən matçı ümumilikdə 52 min 152 azarkeş izləyib.
Oyun 2-1 hesabla Qalatasarayın qələbəsi ilə başa çatıb. "Cimbom" bir daha sözünü meydanda deyib özünü təsdiqlədi.
Aysel Əkbər
Milli.Az