"Bu, hamı üçün çox çətin bir an idi. Ən böyük yük isə stüardessanın üzərində idi".
Milli.Az xəbər verir ki, bu sözləri AZAL-ın Qazaxıstanın Aktau şəhəri yaxınlığında qəzaya uğrayan təyyarəsində sağ qalan sərnişin Subxonkul Rəhimov həlak olan baş bələdçi Hökumə Əliyevanın qəhrəmanlığından Baku TV-yə danışarkən deyib.
"Təyyarədə olan 62 sərnişin - uşaqlar, yaşlılar, qadınlar ona ümidlə baxırdılar. Onun işi sərnişinləri sakitləşdirmək idi. Bu, çox böyük psixi yükdür. O, həqiqətən də qəhrəmandır", - deyə S.Rəhimov əlavə edib.
Milli.Az