Dünyanın ən məşhur və reytinqli idmançılarından biri olan Kriştiano Ronaldo yalnız futbol sahəsindəki uğurları ilə deyil, həm də şəxsi həyatı ilə daim diqqət mərkəzindədir. Səudiyyə Ərəbistanının "Əl-Nəsr" klubunun portuqaliyalı hücumçusu öz şəxsi həyatında sevgilisi Corcina Rodrigez ilə münasibətlərinə görə də tez-tez mediada yer alır. Onların əlaqəsi xüsusilə də hələ də evlənməmələri ilə bağlı bir çox suallar meydana çıxır. Bu barədə Corcina realiti-şousunda danışıb və uzun müddətdir ki, sevgilisi Ronaldonun ona evlilik təklifi etməsini gözlədiyini açıqlayıb.
Ronaldo isə evlilik məsələsinə fərqli bir yanaşma sərgiləyib. O, Corcinaya həmişə deyib ki, evlilik qərarını bir işarə hiss etdikdə verəcəklər. Kriştiano bu məsələyə çox açıq və təbii yanaşaraq bu, bir ildən sonra da ola bilər, yarım ildən sonra, hətta bir aydan sonra da, amma mən 100 faiz əminəm ki, bu, baş verəcək deyə deyib.
Ronaldo və Corcina arasındakı əlaqə 2016-cı ildən başlayıb və 2018-ci ildə Kriştiano Corcinaya evlənmə təklifi edib. Lakin bu təklifə baxmayaraq, hələlik onların toy mərasimi baş tutmayıb. Hər iki tərəf də münasibətlərinə çox xüsusi və şəxsi yanaşır və evlilik məsələsi də zamanla öz yolunu tapacaq. Corcina və Kriştiano mətbuatda çox geniş diqqət çəkən bir cütlük olsalar da, şəxsi həyatlarını və qərarlarını öz sürətində və öz istəkləri ilə yaşamağa davam edirlər. Bu münasibətlərin gələcəyi isə hələ də fanatların və media tərəfindən maraqla izlənir.
Asya
Milli.Az