Çinin aparıcı avtomobil istehsalçılarından biri olan Xpeng, insanabənzər robot texnologiyasına böyük sərmayələr qoymağı planlaşdırır.
Milli.az-ın məlumatına görə, Xpeng bu sektora uzunmüddətli layihə kimi baxır və onun investisiyaları 100 milyard yuana (13,8 milyard dollar) çata bilər, şirkətin baş direktoru He Xiaopeng parlamentin illik iclasında deyib.
H.Xiaopeng 5 il əvvəl insanabənzər robot sənayesinə girdiklərini və qarşıdakı 20 il bu sahədə qalmağı hədəflədiklərini bildirib.
Qeyd edək ki, şirkət 2020-ci ildə insanabənzər robot sektoruna daxil olub və "Tesla Bot"a rəqib olaraq inkişaf etdirdiyi "Iron" adlı robotu ötən ilin noyabrında təqdim edib.
İlqar Şabanov
Milli.Az