Afyonkarahisarda 17 ildir hər Ramazan ayında xeyriyyəçi insanların dəstəyi ilə pulsuz iftar verən restoran gündə 300 nəfərə xidmət göstərir. Üç çeşid yeməkdən ibarət olan iftar menyusuna həmçinin desert və içkilər də daxildir.
Milli.Az xarici KİV-ə istinadən xəbər verir ki, Afyonkarahisarın köklü restoranlarından biri olan bu məkan, xeyriyyəçi vətəndaşların dəstəyi ilə hər il birlik, paylaşma və yardımlaşmanın ən gözəl nümunələrindən birini nümayiş etdirir.
17 ildir fasiləsiz davam edən ənənə
Artıq ənənə halına gələn bu tətbiq 17 ildir fasiləsiz olaraq bu restoranda həyata keçirilir. Bu çərçivədə restoran təxminən 150 nəfərə iftar menyusu təqdim edir. Fiziki imkanlar çərçivəsində əlavə masa və stullar qurularaq daha çox insana xidmət göstərmək üçün şərait yaradılır.
Pulsuz iftar menyusuna daxildir:
3 çeşid yemək
Desert
İftariyelik və içkilər
Xeyriyyəçilərin dəstəyi ilə hər il daha çox insana pulsuz iftar yeməyi təqdim edilir. Restoranda hazırlanan yeməklərin bir qismi də paketlənərək ehtiyacı olan insanlara paylanır.
Gündə 300 nəfərə iftar yeməyi verilir
Restoranın sahibi Mehmet Arpacıoğlu16 ildir davam edən pulsuz iftar yeməyi ənənəsini bu il də davam etdirdiklərini bildirib. Arpacıoğlu bildirib ki, Afyonkarahisarda verilən iftar yeməyi artıq bir ənənəyə çevrilib.
Xeyriyyəçi vətəndaşların dəstəyi ilə hər il daha çox insana xidmət göstərilir. Hazırda 300 nəfərə iftar süfrəsi açılır - 150 nəfər restoranda, 150 nəfərə isə paket şəklində paylanır. Bəzi günlərdə bu rəqəm 800 nəfərə qədər yüksəlir. Menyular hər gün dəyişir, həftədə bir neçə dəfə isə ətli pide təqdim edilir.
Arpacıoğlu əlavə edib
"İlk başladığımızda bu qədər böyük deyildi, amma indi ənənə halını aldı. Xeyriyyəçi insanlardan Allah razı olsun. İnşallah, gələcək illərdə də bu ənənəni davam etdirəcəyik." /Lent.az
Milli.Az