Apple iPhone-larda səsdən mətnə çevirmə funksiyasında aşkar edilən bir səhvi düzəltmək üçün işlər apardığını açıqlayıb.
Milli.Az xəbər verir ki, şirkət nümayəndəsi bəzi istifadəçilərin "irqçi" sözünü səsləndirdikdə, cihazın qısa müddət ərzində "Trump" yazması ilə bağlı şikayətlərini təsdiqləyib. Apple sözçüsü bildirib ki, bu, səsin ilkin işlənməsi zamanı baş verən texniki səhvdir və tezliklə düzəldiləcək.
Apple-ın izahatına görə, nitqin tanınması modelləri bəzən hədəf sözü tam emal etmədən əvvəl, oxşar səslərə malik sözləri qısa müddətlik göstərə bilər.
Apple bu problemin həlli üçün yenilənmə üzərində çalışdığını və tezliklə düzəliş təqdim edəcəyini bildirib. İstifadəçilər gələcək iOS yeniləməsində bu cür səhvlərin aradan qaldırılacağını gözləyə bilərlər.
Fidan
Milli.Az