ABŞ-nin tanınmış milyarderi İlon Mask federal xərclərin azaldılmasının vacibliyini vurğulayaraq büdcə kəsirinin nəzarətsiz qalması halında ölkənin müflis ola biləcəyini bildirib.
Milli.Az xarici mətbuata istinadla xəbər verir ki, Mask demokratiyanın mühafizə olunması üçün xalqın hökumətə effektiv geribildirim verməsinin vacibliyini qeyd edib. O, qeyd edib ki, əgər xalqın səsi lazımi dərəcədə qiymətləndirilmirsə və idarəetmə səlahiyyətləri səhv istiqamətləndirilirsə, demokratiya yerinə bürokratiyanın hakim olduğu bir sistem qurulmuş olur.
Mask büdcə kəsirinin davam etməsinin fəlakətlə nəticələnə biləcəyini vurğulayaraq, federal xərclərin azaldılmasının qaçınılmaz olduğunu bildirib. O, qeyd edib ki, təkcə milli borcun faiz ödənişləri Müdafiə Nazirliyinin bütün büdcəsindən daha çoxdur.
"Müdafiə üçün çox pul xərcləyirik. Amma belə davam edərsək, ölkə iflas edəcək", - Mask vurğulayıb.
Fidan
Milli.Az