Yaponiyanın baş naziri Şigeru İşiba fevralın 7-də Vaşinqtonda ABŞ prezidenti Donald Trampla ilk sammit görüşünü keçirib.
Milli.Az xarici mediaya istinadla xəbər verir ki, görüş zamanı İşiba Trampa Yaponiyanın qərbindəki doğma prefekturasında yerləşən bir şirkət tərəfindən hazırlanmış qızıl samuray dəbilqəsi hədiyyə edib. Bu hədiyyə Yaponiyada məşhur olan "Şoqun" adlı tarixi ABŞ televiziya serialının populyarlığından və Trampın qızıl rəngə olan sevgisindən ilhamlanaraq seçilib.
Dəbilqə Tottori prefekturasında yerləşən Ningyouno Hanafusa Co. şirkəti tərəfindən hazırlanıb və eni 57 sm, hündürlüyü 81 sm, dərinliyi isə 48 sm-dir. Şirkətin prezidenti Tomoya Hanafusa hədiyyənin baş nazirin doğulduğu prefekturadan gəlməsindən məmnunluğunu ifadə edib.
Qeyd edək ki, 2016-cı ildə keçmiş baş nazir Şinzo Abe də Trampa qızıl qolf klubu hədiyyə etmişdi.
Fidan
Milli.Az