OpenAI "Operator" adlı yeni süni intellekt alətini təqdim edib.
Milli.Az xəbər verir ki, ChatGPT-nin yaradıcısı OpenAI istifadəçilər üçün tətil planlama, rezervasiya və market sifarişlərinin həyata keçirilməsi kimi tapşırıqları yerinə yetirə bilən Operator adlı yeni süni intellekt alətini istifadəyə verib.
OpenAI müstəqil tapşırıqları yerinə yetirə bilən yeni süni intellekt aləti "Operator"un sınaq mərhələsinin başladığını açıqlayıb.
Operator təkrarlanan veb axtarış tapşırıqlarını yerinə yetirə bilən süni intellekt vasitəsidir və hazırda ABŞ-da "Pro" istifadəçiləri üçün operator.chatgpt.com ünvanında əlçatandır. Alətin Plus, Team və Enterprise istifadəçilərinə də təqdim olunması və gələcəkdə bu funksiyaların birbaşa ChatGPT-yə inteqrasiya edilməsi planlaşdırılır.
Operator qarşılaşdığı çətinliklərdə özünü düzəltmək üçün məntiqi təhlil bacarıqlarından istifadə edə biləcək və yardıma ehtiyac olduqda idarəni istifadəçiyə təhvil verərək əməkdaşlıq yönümlü təcrübə təqdim edəcək. Alət, veb səhifələrdə gəzmək, yazı yazmaq, düymələri klikləməklə yanaşı, formaların doldurulması, tətil planlama, uçuş, otel və restoran rezervasiyası, hətta market sifarişi kimi işləri də müstəqil şəkildə həyata keçirə biləcək.
İsmayıl
Milli.Az