Aktyor Burak Özçivit Səudiyyə Ərəbistanının Ər-Riyad şəhərində keçirilən "Joy Awards 2025" tədbirində həyat yoldaşı Fahriye Evcenlə mübahisə etdiyi anların kameralara düşməsi ilə bağlı müzakirələrə aydınlıq gətirib.
Milli.Az xəbər verir ki, sosial mediada yayılan görüntülərdə Burak və Fahriye arasında mübahisə olduğu iddia edilsə də, Burak bu iddiaları rədd edib. O, həmin anlarda həyat yoldaşı ilə heç bir mübahisə etmədiklərini, sadəcə başqa bir mövzunu müzakirə etdiklərini bildirib:
"Orada məni qəzəbləndirən başqa bir şey var idi. Fahriye ilə bunu müzakirə edirdik. Yoxsa həyat yoldaşımla niyə mübahisə edim ki?" - deyə Burak Özçivit açıqlama verib.
Qeyd edək ki, "Joy Awards 2025" tədbirində tanınmış aktrisalar Afra Saraçoğlu, Hande Erçel, Tuğba Büyüküstün və Özge Özpirinççi də iştirak ediblər.
Milli.Az