"Yuventus"un serbiya əsilli futbolçusu Dusan Vlaxoviçin adı qalmaqalda hallanır.
Milli.Az xəbər verir ki, futbolçu hotel otağından 5 əxlaqsız qadınla birlikdə çıxarkən görüntülənib. Kadrlar hotelin təhlükəsizlik kamerasına düşüb.
Sosial şəbəkələrdə yayılan videolar, futbol ictimaiyyəti tərəfindən müzakirələrə səbəb olub və klubun imicinə təsir edə biləcəyinə dair narahatlıq yaradıb. Görüntülərin 29 may 2023-cü ilə aid olduğu deyilir.
2022-ci ilin yanvarında Fiorentina-dan Juventus-a keçən və qısa müddətdə komandanın əsas oyunçularından birinə çevrilən Vlaxoviç bu məsələ ilə bağlı hələ hər hansı açıqlama verməyib. "Yuventus" rəhbərliyinin məsələ ilə bağlı araşdırma apardığı və oyunçuya qarşı intizam tədbirlərinin görülə biləcəyi bildirilib.
Məsələnin təsdiqi və ya təfərrüatları barədə rəsmi açıqlama gözlənilir. Hazırda hadisənin Vlaxoviçin karyerasına və klubdakı mövqeyinə təsir edib-etməyəcəyi maraq doğurur.
İsmayıl
Milli.Az