26 Yanvar 2025-ci il tarixdə Tovuz şəhərində "Kəmər döyüşü VCBCMMA 06" seriyası üzrə keçiriləcək döyüşdə ölkəmizi Daxili İşlər Nazirliyinin Çevik Polis Alayının əməkdaşı, peşəkar idmançı Kazbek Məmmədov təmsil edəcək.
Milli.Az xəbər verir ki, onun rəqibi Özbəkistan idmançısı Eden Adem Axmedov olacaq. İdmançılar 70 kq çəki dərəcəsində mübarizə aparacaqlar.
Qeyd edək ki, Gürcüstanın Qardabani şəhərində keçirilən Kinqboksun MMA K1 versiyası üzrə beynəlxalq turnirdə ölkəmizi təmsil edən Kazbek Məmmədov fəxri kürsünün ən yüksək pilləsinə layiq görülmüşdü.
Həmin turnirdə Azərbaycan, Türkiyə, Gürcüstan, Ermənistan, Özbəkistan, Qırğızstan, Qazaxıstan, Türkmənistan, Rusiya, Ukrayna, Moldaviya, Belarusiya, İran, Bolqarıstan, Ruminiya olmaqla 15 ölkənin idmançıları iştirak edib.
Kənan
Milli.Az