Moskvanın prestijli "Savyolovski Siti" yaşayış kompleksində baş vermiş yanğında azı altı nəfər yaralanıb.
Milli.Az report-a istinadən xəbər verir ki, "İlkin məlumata görə, Moskvadakı "Savyolovski Siti" yaşayış kompleksindəki yanğın zamanı 6 nəfər xəsarət alıb", - məlumatda diqqətə çatdırılıb.
Qeyd olunub ki, olay korpuslardan birinin altıncı mərtəbəsində baş verib. Yanğının sahəsi 20 kvadratmetr olub.
Yaralananların arasında iki uşağın olduğu vurğulanıb.
Qeyd edək ki, "Savyolevski Siti" YK Moskvanın Şimal inzibati dairəsində yerləşir və yaşayış ilə kommersiya sahələrini əhatə edir.
Xatırladaq ki, yanvarın 13-də Rusiyanın Tula vilayətindəki hərbi hospitalda yanğın baş vermişdi.
Milli.Az