Türkiyədə prokurorluq idarəedici şirkətlər və kastinq agentlikləri ilə bağlı araşdırmaya başlayıb.
Milli.Az xəbər verir ki, bu çərçivədə "İD Consultancy" şirkətinin sahibi Ayşe Barımın şirkətində çalışan Serenay Sarıkaya və Mert Dəmir "5 milyon dollarlıq reklam sevgisi" iddiaları ilə bağlı ifadə verəcək. Bundan əlavə, ikilinin telefon qeydləri mümkün çirkli pulların yuyulması və vergidən yayınma halları üçün araşdırılacaq.
Rəqabət Şurasının 21 idarəedici şirkət və kastinq agentliyi ilə bağlı başlatdığı araşdırma sektorun gizli simasını üzə çıxarıb. Futbolçuların bir-birinin ardınca verdiyi etiraflardan sonra Ayşe Barıma məxsus şirkətlə bağlı genişmiqyaslı araşdırma başladılıb. Şirkətdə inhisarçılıq və ədalətsiz qazanc iddiaları ilə bağlı araşdırmalar ciddiləşib.
Məşhur aktrisa Serenay Sarıkaya və müğənni Mert Demirin arasında münasibətlərin real olmadığı və bir iş adamının reklam sevgisi üçün Ayşe Barım vasitəsilə cütlüyə 5 milyon dollar verdiyi iddia edilib. "Sabah"ın xəbərinə görə, istintaq çərçivəsində Sarıkaya və Dəmir yaxın günlərdə prokurorluğa gedərək məsələ ilə bağlı açıqlama verəcəklər.
O, İstanbul Baş Prokurorluğuna, Maliyyə Cinayətlərini İstintaq İdarəsinə (MASAK) və İstanbul Polis İdarəsi Kiber Cinayətlər İdarəsinə məktub yazıb. Məşhur ikilinin bütün bank hesablarının da yoxlanılacağı məlum olub. Sarıkaya və Dəmirin telefon qeydləri də mümkün çirkli pulların yuyulması və vergidən yayınma halları üçün araşdırılacaq.
Qeyd edək ki, Fuat Uğurun "TV100"də yazdığı məqalədən sonra kino və serial sektorunda təlatüm yaşanıb. Uğurun yazısında idarəetmə şirkətinin "inhisarlaşma" səyləri ilə yanaşı, Serenay Sarıkaya ilə Mert Dəmir arasındakı münasibətlə bağlı "5 milyon dollar qarşılığında reklam əlaqəsi" ifadəsi də yer alıb. Rəqabət Şurası bəzi idarə şirkətləri, xüsusilə də Ayşe Barımın sahibi olduğu və sektorda bir çox məşhur adı təmsil edən ID İletişim şirkəti haqqında araşdırma başladıb. (Axşam.az)
Milli.Az