Şanxaydan Moskvaya uçan təyyarə sərnişinin xəstəliyi səbəbindən Krasnoyarskda məcburi eniş edib.
Milli.Az xəbər verir ki, bu barədə TASS-a hava limanının mətbuat xidmətindən məlumat verilib.
"Saat 15:45-də Şanxaydan Moskvaya uçan "Aeroflot Boeing 777" sərnişinin xəstəliyi səbəbindən Krasnoyarsk hava limanına məcburi eniş edib", - məlumatda deyilir.
Xəstə ilə birlikdə ailəsi, ümumilikdə 5 nəfər təyyarədən çıxarılıb. Enişdən iki saat sonra təyyarə təyinat yerinə yollanıb.
Milli.Az