"Neftçi"də üzlər gülür.
Səbəb Emin Mahmudovun zədəsini sağaltmasıdır.
32 yaşlı yarımmüdafiəçinin çətin günləri ötən ildə qalıb.
Sonuncu dəfə 13-cü turda "Şamaxı" ilə oyunda (2:2) meydana çıxan Mahmudov Premyer Liqanın ilk yarısının son 5 görüşünü kənardan izləmişdi.
Geridə qalan müddətdə sağalma və bərpa dönəmini geridə qoyan "8 nömrə" qış toplanışının ilk məşqində kollektiv çalışmalarda iştirak edib.
Bu, o deməkdir ki, Emin 19-cu turda "Sabah"la qarşılaşmada meydana çıxmağa hazır olacaq.
Azərbaycan millisinin də şərəfini qoruyan futbolçu cari mövsümdə meydana çıxdığı 10 oyunda 2 məhsuldar ötürmə ilə yadda qalıb. (sportinfo.az)
Milli.Az