Türkiyəli aktyor və yutuber Mahsun Karaca şəxsi həyatı ilə yenidən gündəmə gəlib.
Milli.Az Türkiyə mətbuatına istinadən xəbər verir ki, o, iki ay əvvəl boşandığı keçmiş həyat yoldaşı Tuğçe Manga ilə yenidən evlənməyə qərar verib.
Cütlük, oktyabr ayında səssiz-sədasız yollarını ayırmışdı. Ancaq bu qərardan peşman olan Mahsun və Tuğçe yenidən ailə qurmaq üçün gün sayır.
Türkiyə qanunlarına görə, boşanmadan sonra yenidən evlənmək üçün 300 gün gözləmək tələb olunur.
Bu müddət bitdikdən sonra cütlük ikinci dəfə nikah masasına oturacaq.
Fidan
Milli.Az