Məşhur türkiyəli müğənni Haluk Levent sinəsində şiddətli ağrılar səbəbilə xəstəxanaya yerləşdirilib.
Milli.Az xəbər verir ki,Haluk Leventin sağlamlıq vəziyyətinin sabah ediləcək anjiyo prosedurundan sonra bəlli olacağı bildirilib.
DHA-nın verdiyi məlumata görə, 56 yaşlı sənətçinin ehtiyat tədbiri olaraq xəstəxanada müşahidə altında saxlanıldığı qeyd edilir.
Levent, daha əvvəl X hesabından paylaşaraq qan şəkəri ilə bağlı sağlamlıq problemləri yaşadığını, həkimlərin sosial mediadan uzaq durmağı tövsiyə etdiklərini və hesabını qurucusu olduğu AHBAP platformasına təhvil verdiyini bildirmişdi.
Lalə Qüdrətova
Milli.Az