Özbəkistanda şirlər gözətçiyə hücum edərək ölümünə səbəb olub.
Milli.Az-ın TASS-a istinadən verdiyi xəbərə görə, Özbəkistanın Daşkənd vilayətində yerləşən "Lion Park" adlı özəl zooparkda üç şir qəfəsdən qaçaraq faciəyə səbəb olub.
Hadisə zamanı şirlər 44 yaşlı gözətçiyə hücum edib. Nəticədə, gözətçi aldığı ağır xəsarətlərdən həyatını itirib.
Zoopark rəhbərliyinin bildirdiyinə görə, hadisə zamanı başqa xəsarət alan olmayıb və şirlər daha sonra qəfəslərinə qaytarılıb.
Hadisə ilə bağlı hazırda araşdırma aparılır.
Fidan
Milli.Az