Azərbaycan millisinin tanınmış bədii gimnastı Zeynəb Hümmətova idman karyerasını başa vurub.
Milli.Az xəbər verir ki, Zeynəb Hümmətova uzun illər qrup komandasının tərkibində uğurla çıxış edərək, dünya çempionatının bürünc mükafatçısı, Avropa çempionu və ikiqat Olimpiya iştirakçısı kimi Azərbaycan bədii gimnastikasına töhfə verib.
Hümmətovanın böyük idmanla vidalaşması bu gün Bakıda keçirilən "Qış nağılı" beynəlxalq turnirində rəsmiləşəcək.
Qeyd edək ki, qısa müddət öncə milli komandanın lideri olan Zöhrə Ağamirova da karyerasını başa vurduğunu elan etmişdi.
Milli.Az