ABŞ-nin yeni seçilmiş prezidenti Donald Tramp 2025-ci il yanvarın 20-də keçiriləcək inauqurasiya mərasiminə xarici liderləri dəvət edib.
Milli.Az CNN-ə istinadən xəbər verir ki, dəvət olunanlar arasında Salvador prezidenti Nayib Bukele, İtaliyanın baş naziri Giorgia Meloni və Argentina prezidenti Xavyer Mayli də yer alır. Çin lideri Si Cinpin də dəvət alsa da, mərasimdə iştirakdan imtina edib.
Ənənəyə əsasən, ABŞ prezidentlərinin andiçmə mərasimlərinə xarici liderlər dəvət olunmur. 1874-cü ildən bəri bu tədbirlərdə yalnız səfirlər və diplomatlar iştirak edir. Lakin Trampın adının açıqlanmasını istəməyən müşaviri bildirib ki, o, bu andiçməni qlobal miqyaslı hadisəyə çevirmək niyyətindədir.
CNN-in məlumatına görə, bəzi liderlər "qeyri-rəsmi kanallar" vasitəsilə və ya telefon danışığı zamanı mərasimə dəvət edilib.
Fidan
Milli.Az