Məşhur kahin Baba Vanqa 2025-ci il üçün də diqqət çəkən proqnozları var.
Milli.Az xəbər verir ki, Avropada böyük bir müharibə xəbərdarlığı edən bolqarıstanlı görücü Rusiya Prezidenti Putinə ayrıca bir yer ayırıb.
II Dünya Müharibəsi, 11 Sentyabr hücumları, Şahzadə Diananın ölümü, Obamanın prezident seçilməsi və hətta koronavirus pandemiyasını əvvəlcədən bildiyi iddia edilən Baba Vanqa 2024-cü ilin bitməsinə sayılı günlər qalmış yenidən dünya gündəmindədir.
2025 İLİ SONUN BAŞLANĞICI OLACAQ
Balkanların Nostradamusu kimi tanınan Vanqa 28 il əvvəl, 1996-cı ildə vəfat edib. Onun gələcəklə bağlı proqnozlarından geridə heç bir yazılı sənəd qalmasa da, məşhur kahinin 5079-cu ilə qədər olan proqnozları hər il böyük maraqla gözlənilir. Amma bu il bir az daha önəmlidir, çünki Vanqaya görə 2025-ci il "sonun başlanğıcı" olacaq.
BÜYÜK MÜHARİBƏ PROQNOZU
Baba Vanqa, 2025-ci ildə Avropada əhali üçün təhlükə yarada biləcək və potensial olaraq qlobal bir qiyamətə səbəb ola biləcək böyük bir müharibə barədə xəbərdarlıq etmişdi. Ukraynada artıq davam edən müharibə və tərəflər arasındakı son inkişaflar, bu proqnozun gerçəkləşə biləcəyi qorxularını artırıb.
ABŞ və Böyük Britaniyanın Kiyev hökumətinə "uzaq mənzilli raketlərin istifadəsi" üçün yardım etməsi, Rusiyanın isə buna cavab olaraq yeni istehsal etdiyi raketlərlə Ukraynaya hücum etməsi bölgədə gərginliyi artırıb və münaqişənin qlobal səviyyəyə yüksəlməsi qorxularını daha da gücləndirib.
"TOXUNULMAMIŞ BİR ŞEY QALACAQ"
Qərb mediasında yayılan xəbərlərdə məşhur kahin Nostradamusun da Avropa üçün bənzər bir müharibə xəbərdarlığı etdiyi yazılıb və Putinin bu münaqişədən qalib çıxaraq qlobal hegemonluğa yüksələ biləcəyi iddia edilib. Xəbərlərdə Baba Vanganın 1979-cu ildə Rus jurnalist və yazar Valentin Sidorovla danışarkən dediyi "Hər şey buz kimi əriyəcək. Toxunulmamış bir şey qalacaq. O da Vladimirin və Rusiyanın görkəmidir. Rusiya yalnız sağ qalmaqla qalmayacaq, dünyaya da hökm edəcək" sözləri ön plana çıxıb.
2025 İLİ ÜÇÜN DİGƏR PROQNOZLAR
Vanqanın 2025-ci il üçün proqnozları bununla məhdudlaşmır. Kahinə görə, gələn il beyin dalğalarını istifadə edərək telepatik əlaqə qurma sahəsində böyük irəliləyişlər olacaq. Elmi cəhətdən, alimlər laboratoriyalarda insan orqanı istehsal edə biləcək səviyyəyə gələcəklər. Baba Vanganın ən diqqət çəkən proqnozlarından biri isə 2025-ci ildə keçiriləcək böyük bir idman tədbiri zamanı yer xaricində həyatla "ilk əlaqə"nin qurulması olacaq.
Musa
Milli.Az