Qalatasaray klubu dünən keçirilən ikas Eyüpspor matçında zədələnən futbolçusu Abdülkerim Bardakcı-nın sağlamlıq vəziyyəti ilə bağlı açıqlama yayımlayıb.
Milli.Az xəbər verir ki, Süper Liqanın 14-cü həftəsində oynanan ikas Eyüpspor matçında zədələnən Qalatasaray müdafiəçisi Abdülkerim Bardakcı-nın sol ayaq biləyi sümüklərində ödem və ayaq biləyi bağlarında dartılma olduğu müəyyən edilib.
Sarı-qırmızı klubun açıqlamasında deyilir:
"Trendyol Süper Liqanın 14-cü həftəsindəki ikas Eyüpspor qarşılaşmasında zədələnən və sponsor xəstəxanamız Medicana-da aparılan MRT və KT müayinələrində sol ayaq biləyi sümüklərində ödem və ayaq biləyi bağlarında dartılma olduğu aşkarlanan Abdülkerim Bardakcı-nın müalicəsinə başlanılıb."
Milli futbolçu Eyüpspor matçının 34-cü dəqiqəsində Halil Akbunar ilə girdiyi mübarizədə sol ayaq biləyini burxmasına baxmayaraq oyuna davam edib. Abdülkerim Bardakcı, 39-cu dəqiqədə oyunu tərk etmək məcburiyyətində qalıb.
Lalə Qüdrətova
Milli.Az