Böyük Britaniyanın üzərindən keçən "Bert" qasırğası şənbə günü qar, yağış və güclü küləklərlə ölkəni vuraraq bir neçə nəfərin ölümünə səbəb olub, bir neçə dəmir yolu xəttini, körpünü və yolu bağlayıb.
Milli.Az xarici mətbuata istinadla xəbər verir ki, qasırğa İrlandiyaya da təsir edib. Qərb bölgələrində yolları su basıb və on minlərlə şəxsin elektrik enerjisini kəsib.
Yerli polis bildirib ki, İngiltərənin cənubundakı A34 magistral yolunda bir ağacın avtomobilin üzərinə aşması nəticəsində 60 yaşlarında bir kişi dünyasını dəyişib.
Şimal-şərqi İngiltərədə yerləşən Newcastle hava limanının uçuş-enmə zolağı qarla örtülüb, bu da uçuşların müvəqqəti dayanmasına səbəb olub.
Şotlandiyada bəzi qatar xidmətləri hava şəraiti səbəbindən dayandırılıb, bu barədə ScotRail X platformasında məlumat verib. Wales ilə İngiltərəni birləşdirən Severn körpüsü güclü küləklər səbəbindən bağlanıb, bunu Milli Yollar veb-saytı göstərib.
Şimali Böyük Britaniyanın bəzi bölgələrində yollar qarla örtülüb və avtomobillər yolda qalıb.
Met Office-in baş meteoroloqu Ceyson Kelli qasırğanı "çox təhlükəli bir hadisə" adlandıraraq, həftə sonunun böyük bir hissəsində Britaniyaya qar, yağış və külək gətirəcəyini gözlədiklərini bildirib.
Lalə Qüdrətova
Milli.Az