Astara Rayon Məhkəməsində on altı yaşına çatmayan şəxslə cinsi əlaqədə olmada təqsirləndirilən Namiq Rəfiyevin (şərti) cinayət işi üzrə məhkəmə istintaqı yekunlaşıb.
Milli.Az pravda.az-a istinadən bildirir ki, hakim İlqar Məmmədovun sədrliyi ilə keçirilən prosesdə hökm oxunub.
Məhkəmənin hökmü ilə N.Rəfiyevə şərti cəza verilib.
İttihama görə, hadisə 30 yanvar 2024-cü il tarixdə Astara rayonunun kəndlərindən birində qeydə alınıb.
Belə ki, 1996-cı il təvəllüdlü Namiq Rəfiyev dayısı qızı, 14 yaşlı Səma Məmmədovanı (şərti) onun razılığı ilə evlənmək məqsədi ilə yaşadığı evə aparıb və ər-arvadı kimi yaşayıb.
Hadisədən sonra Namiq Rəfiyev saxlanılaraq cinayət məsuliyyətinə cəlb edilib və onun barəsində polisin nəzarəti altına vermə qətimkan tədbiri seçilib.
Milli.Az