İtaliyalı konseptual rəssam Maurisio Kattelanın əsəri - divara lentlə yapışdırılmış banan 6,2 milyon dollara satılıb.
Milli.Az xəbər verir ki, 2019-cu ildə divara yapışdırılmış banan 120.000 dollara satılanda, sosial mediada səs-küy yaratmışdı.
Lakin rəssam Mauritsio Kattelanın "Komediyaçı" adlı viral əsəri bir kolleksiyaçı üçün yaxşı investisiya olduğunu sübut etdi: İncəsənət əsərinin üç "nəşrindən" biri çərşənbə günü Nyu-Yorkda Sotheby's hərracında 6,24 milyon dollara satılacaq təxminləri alt-üst etdi.
Hərrac evi işin 1 milyon dollardan 1,5 milyon dollara qədər olacağını təxmin etmişdi; hərrac 800.000 dollardan başladı.
Satış zamanı auksionçu Oliver Barker əsəri "ikonik" və "dağıdıcı" kimi xarakterizə edib. O, hərracda banan satmağın "heç vaxt deyəcəyimi düşünmədiyim sözlər" olduğunu zarafatla dilə gətirib.
Satışdan qısa müddət sonra Sotheby's, Çinli kollektor və kriptovalyuta platformasının qurucusu Castin Sunun işi əldə etdiyini açıqlayıb.
"Bu, sadəcə bir sənət əsəri deyil" deyə Sun yazıb. "Bu, incəsənət, memlar və kriptovalyuta birliyi dünyalarını birləşdirən mədəni fenomeni təmsil edir. İnanıram ki, bu əsər gələcəkdə daha çox fikir və müzakirələrə səbəb olacaq və tarixin bir parçası olacaq".
Lalə Qüdrətova
Milli.Az
Xəbərlərimizi WhatsApp kanalımızdan da oxuyun