Ötən gecə Türkiyədə 3 polisin yaralanması barədə məlumat vermişdik.
Milli.Az xəbər verir ki, İzmirdə kütləvi davaya müdaxilə etməyə çalışan putrul xidməti əməkdaşları xəsarət alıblar.
Məlum olub ki, tərəflər arasında davaya səbəb biədəb videonun yayılması olub. Belə ki, tərəflərdən biri tikinti işi ilə, digəri isə avtomobil satışı ilə məşğul olan şəxslərdir. Aralarından birinin qeyri-etik görüntülərinin yayılması mübahisəyə səbəb olub. İddialara görə videonu yayan şəxs onlardan biridir.
Qeyd edək ki, polislərin vəziyyəti normaldır, həyatları risk altında deyil.
------
00:27
İzmirdə saxlamaq istədikləri şəxslərin hücumuna məruz qalan 3 polis məmuru yaralanıb. Polislərdən ikisinin vəziyyətinin ağır olduğu deyilir.
Milli.Az xəbər verir ki, hadisə axşam saat 20:00 radələrində Seferihisar rayonu, Turabiye məhəlləsi ətrafında baş verib. Patrul xidməti göstərən polis qruplarına qarşı naməlum şəxs və ya şəxslər tərəfindən silahlı hücum təşkil edilib.
Hücum zamanı komissar Furkan Hakan Aşkın və polis əməkdaşları İbrahim Gümüştekin və Mehmet Tozun yaralanıb. Xəbər verildikdən sonra ünvana gücləndirilmiş polis qrupları və təcili tibbi yardım briqadaları göndərilib. Həkimlərin müayinəsi zamanı vəziyyəti ağır olan polis məmurları 9 Eylül Universiteti Xəstəxanasına, Komissar Aşkın isə Seferihisar Dövlət Xəstəxanasına aparılıb.
Hadisə ilə bağlı başladılan istintaq çərçivəsində S.Ç. adlı şübhəli şəxs tutulub. İstintaq davam edir.
Lalə Qüdrətova
Milli.Az
Xəbərlərimizi WhatsApp kanalımızdan da oxuyun