Elm adamları siçanlara maşın sürməyi öyrədəcək.
Milli.Az xarici mətbuata istinadən xəbər verir ki, Riçmond Universitetinin nevroloqu Kelli Lambert "The Conversation" jurnalına yazdığı essedə siçovullara maşın sürməyi öyrətdiyi eksperimentlər barədə bəhs edib.
Lambert və onun komandası illərdir ki, laboratoriya siçovullarına heyvan mühiti, stress və idrak, yeni bacarıqların inkişafı arasındakı əlaqəni öyrənmək yolu kimi maşın sürməyi öyrədirlər.
Alimlərin sözlərinə görə, ən təəccüblü məqam heyvanların davranışı olub. Bəzi siçanlar hərəkətə başlamazdan əvvəl maşına tullanır və pedala basırdılar. Tədqiqatçıların fikrincə, bu, sürücülük prosesinin onlara zövq verdiyini nümayiş etdirir. Eksperiment, həmçinin göstərdi ki, siçanlarda sevincə bənzər müsbət emosiyalar yaranıb.
Fidan
Milli.Az