İqlim dəyişikliyinin mənfi təsirləri resursların tükənməsinə səbəb olur.
Milli.Az Trend-ə istinadən xəbər verir ki, bu barədə Trinidad və Tobaqonun Planlaşdırma və İnkişaf Nazirliyinin Çoxtərəfli Ətraf Mühit Sazişlərinin rəhbəri Kişan Kumarsinh, COP29 çərçivəsində "Ədalətli Davamlılıq: Daha Ədalətli və İqlimə Dayanıqlı Cəmiyyətə Ədalətli Keçid" tədbiri zamanı bildirib.
"İqlim dəyişikliyi iqtisadiyyatın bir çox əsas sektorlarına, xüsusən də iqlim problemlərinə həssas olan sektorlara mənfi təsir göstərir. Qlobal iqlim dəyişikliyi quraqlığın artmasına və yağışların artmasına gətirib çıxarır ki, bu da öz növbəsində daşqınlara səbəb olur və kənd təsərrüfatı istehsalına və ərzaq təhlükəsizliyinə ziyan vurur. Bunun fəsadları təkcə iqtisadiyyata deyil, həm də əhalinin sağlamlığına təsir göstərir", - deyə o bildirib.
K. Kumarsinqh xəbərdarlıq edib ki, qəti addımlar atılmasa, vəziyyət daha da pisləşəcək.
O, həmçinin əlavə edib ki, iqlim dəyişikliyinin mənfi təsirləri resursları tükəndirir və bir çox gözlənilməz nəticələrə, o cümlədən milli təhlükəsizliyə təhdidlər, miqrasiya və iş və resurslar üçün rəqabətə səbəb olur.
K. Kumarsinqh vurğulayıb ki, gələcəkdə kənd təsərrüfatında süni intellekt və avtomatlaşdırma kimi texnologiyaların inkişafı ilə ənənəvi fermerlər üçün risklər də daxil olmaqla, yeni çağırışlar yarana bilər.
Milli.Az