Mətbəxdə televizorun olması buna səbəb olur - TƏƏCCÜBLƏNƏCƏKSİNİZ
Mətbəx, şübhəsiz ki, mənzildə vacib bir yerdir. Bu o deməkdir ki, mətbəxin dizaynına xüsusi qayğı ilə yanaşmaq lazımdır.
Milli.Az lent.az-a istinadən bildirir ki, hər hansı bir mənzil sahibinin vəzifəsi mətbəxdə xoş və sağlam bir atmosferin hökm sürməsini təmin etməkdir ki, bu da yalnız iştahı artırmayacaq, həm də intim söhbətlər üçün əlverişli olacaqdır.
Bu baxımdan, mətbəxdə televizor quraşdırmaq səhvdən başqa bir şey deyil.
Bir çox evdar qadın yəqin ki, bununla razılaşmayacaq, çünki onlar üçün yemək bişirərkən televizor əyləncə rolunu oynayır.
Amma bir sıra psixoloqların fikrincə, televizor təkcə sağlamlığa deyil, ailə münasibətlərinə də mənfi təsir göstərir.
Əvvəla, əgər siz kino və televiziya proqramlarının müşayiəti ilə nahar edirsinizsə, bütün diqqətinizi mavi ekranda cərəyan edən hadisələrə yönəldirsiniz və nə qədər yediyinizi hiss etmirsiniz.
Nəticədə, siz həmişəkindən daha çox yeyirsiniz, lakin toxluq hiss etmirsiniz.
İkincisi isə səhər və şam yeməyi bütün ailənin bir masa arxasında toplaşdığı və ünsiyyət qura biləcəyi, gələcək planlarını və gün ərzində əldə edilən uğurları bölüşə biləcəyi anlardır.
Həmin vaxtları daim televizora baxaraq keçirirsinizsə, münasibətləriniz pisləşə bilər.
Milli.Az
Xəbərlərimizi WhatsApp kanalımızdan da oxuyun